Драмонімы

Гнілы Брод. Урочышча на лузе, за вёскай Ліпляны. Некалі праз яго немагчыма было прайсці, топкае месца, дзе расліны гнілі ад празмернасці вільгаці.

​

Князеў брод. Урочышча, дзе раней была прамая дарога з вёскі ў Лельчыцы. Існуе павер’е, што праз забалочаныя лясы ехаў князь, але брод праехаць не змог і загінуў у балоце.

​

Макараў Брод. Урочышча на лузе, за Малым Сялом. Некалі гэта было ўзвышанае месца паміж балотамі, якое падчас меліярацыі асушылі. Знік і брод, а месца, дзе ён быў, называюць Макараў Брод. Прабабуля кажа, што “шмат гадоў назад праз брод ехаў вяльможа з войскам. Звалі яго Макар. Пан праз брод пераехаў, а яго світа ўся загінула. Таму і далі гэтаму броду назву Макараў”.

​

Накот. Урочышча паміж Ліплянамі і Пабедным. Мясцовыя жыхары кажуць, што там узгорак і з яго лёгка ісці, “як па накатанай дарозе”.